MUNUM ÚTGÁFA

Markmið eru draumar sem geta orðið að veruleika. Með því að setja sér skýr og raunhæf markmið, búta þau niður í smærri skref og hafa þau mælanleg og innan ákveðins tímaramma má margfalda líkur á árangri. Munum dagbókin er hönnuð með það að leiðarljósi að auðvelda þér þessa vinnu og hvernig þú getur innleitt markmiðin þín inn í daglegt skipulag.

Venjur þínar skilgreina hver þú ert og hafa griðarlega mikil áhrif á líf þitt. Um 40% af tíma okkar á degi hverjum stjórnumst við af venjum, en venjur er það sem við eigum til að gera ítrekað án þess að hugsa eða veita því athygli. Það að skoða venjurnar sínar og gera bætingar á þeim hefur gríðarleg áhrif á líf þitt til lengri tíma.

Allt sem þú veitir athygli vex og dafnar, með því að einblína á það góða í lífinu, vera þakklátur fyrir það sem maður hefur og einbeita sér frekar að því jákvæða má auka hamingju til muna. Fyrir hverja viku erum við með jákvæða hvatningu sem hugsuð eru til að gefa þér innblástur inn í vikuna. Einnig má finna pláss sem tileinkað er þakklæti vikunnar.

Það er ekkert mikilvægara en heilsan okkar því án hennar getum við ekki lifað því lífi sem við viljum. Í dagbókinni hvetjum við þig til þess að setja andlega og líkamlega heilsu í forgang með bættum svefni, hollu mataræði og reglulegri hreyfingu.

Að hafa gott skipulag og góða yfirsýn yfir tíma sinn og verkefni getur haft góð áhrif á afköst og skipulag bæði til skemmri tíma og lengri. Gott er að hafa yfirsýn fram í tímann og vera þannig betur undirbúin að takast á við verkefni sem bíða manns.

Með því að skipuleggja árið, mánuðinn, vikuna og daginn á markvissan hátt má auðvelda tímastjórnun og auka líkur á afköstum. Einnig má finna ýmis ráð í tímastjórnun í Munum dagbókinni.